Mánudagskvöldið 27 október barst útkall gulur á miðjum Haustfundi FBSR. Um var að ræða innanbæjarleit í Reykjavík að ungmennum á aldrinum 14-16 sem hugsanlega höfðu slasast við sprengingu í vinnuskúr í Grundagerði. Alls tóku hátt í 20 meðlimir sveitarinnar þátt í útkallinu og ber þess að geta að hluti hópsins voru nýliðar á öðru ári í sínu fyrsta útkalli.
Haustfundur
Haustfundur Flugbjörgunarsveitarinnar í Reykjavík verður haldin mánudaginn 27. október nk. kl. 20.00.
Dagskrá haustfundar:
1. Fundur settur.
2. Stjórn leggur fram til samþykktar endurskoðaðan rekstrar- og efnahagsreikning.
3. Dagsrká vetrarins.
4. Önnur mál.
Við hvetjum alla félaga til að koma á haustfundinn, sýna sig og sjá aðra.
Stjórnin
Aðkoma að flugslysum
Þriðjudaginn 21. október klukkan 20 verður haldinn fyrirlesturinn Aðkoma að flugslysum fyrir bæði B1 og B2 sem og inngengna. Ef langt er síðan þú hlýddir síðast á Ottó þá endilega líttu við og rifjaðu upp hvernig á að bera sig að.
Haustferð breytist í dagsferð
Vegna ýmissa atriða hefur haustferðinni verið breytt í dagsferð.
Planið er að leggja af stað á sunnudagsmorgni
vestur á Snæfellsnes og ganga upp á Miðtind í Ljósufjöllum. Komið í
bæinn seinnipart sama dags.
Mér skilst að nokkrir flubbar hafi nú þegar talað við fararstjórana
og tilkynnt mætingu sína. Endilega skráið ykkur hér á spjallinu.
Afsláttarkvöld í Everest
Þriðjudaginn 14. og fimmtudaginn 16.október verður verslunin Everest með kynningarkvöld fyrir björgunarsveitameðlimi og nýliða í húsnæði sínu í Skeifunni 6 frá klukkan 18:00.
Veittur verður 20% afsláttur á öllu í versluninni ásamt ýmsum öðrum tilboðum. Helstu merki eru Mountain Hardwear, Mammut, Raichle, Trezeta o.f.l.
Allir velkomnir!
Jeppsýning 4×4
Flugbjörgunarsveitin tekur þátt í jeppasýningu með samstarfsaðila sínum Ferðaklúbbnum 4×4 í Fífunni í Kópavogi um helgina. Sveitin verður með bás á sýningargólfinu og bæði Flubbar og björgunarjeppi til sýnis. Sýningin hefst kl. 18:00 á föstudag og endar á sunnudag kl. 19:00.
Haustferð FBSR 2008 18 – 19. október
Fararstjórar Jón Þorgríms og Guðjón Örn.
Oddstaðavatn Ljósufjöll-Miðtindur -Borg
Síðasta haustferð endaði við Hlíðarvatní Hnappadal á Snæfellsnesi.
Nú er ætlunin að halda áfram vestur eftir Snæfellsnesinu og byrja við norðurenda Oddstaðavatns.
Laugardagurinn 18. október.
Lagt verður af stað frá Flugvallarveginum stundvíslega kl: 7:00 og ekið vestur á nes. Ekið verður eftir Heydalsvegi að norðurenda Oddstaðavatns þar sem gangan hefst.
Eftir stutt stopp og létt snarl hefst gangan. Stefnan er tekin á Rauðamelsfjall og milli Svörufells og Svartafjalls þaðan að Sandfelli þar sem verður tjaldað.
Ca 15km í beinni loftlínu.
Sunnudagurinn 19. október.
Morgunmatur kl: 7:00, síðan hefst gangan á Miðtindinn, við förum létt og skiljum tjöld og annan búnað eftir sem við þörfnums ekki. Geri ráð fyrir ca 4-5 tímum upp og niður.
Pökkum saman og göngum niður að Borg, áætlaður komutími þangað kl: 15:00.
Landakort: Blað 25 Hnappadalur 1:100,000.
Aðrar heimildir: Íslensk fjöll eftir Ara Trausta.
Skráning í ferðina er á spjalli FBSR, á blaði niðrí sveit eða senda póst á ritari<hja>fbsr.is
Skráningu lýkur miðvikudaginn 15. október kl. 23.00.
Fyrsta hjálp I og II
Fyrstu hjálpar námskeið I og II verða haldin fyrir nýliða og inngengna félaga helgina 10-12. október næstkomandi.
Fyrsta hjálp I verður haldin á Akranesi í húsnæði Björgunarfélags Akraness, farið verður úr Reykjavík á föstudagskvöld en inngengnum er að sjálfsögðu velkomið að mæta á laugardagsmorgun eða sunnudagsmorgun.
Fyrstja hjálp II verður haldin í Reykjavík og hefst kennsla á föstudagskvöldið einnig.
Við hvetjum alla inngenga félaga til að mæta eða kíkja við í skemmri tíma og rifja upp fyrstu hjálpar taktana.
Afsláttarkvöld í Útilíf
Útilíf býður til kynningar- og afsláttarkvöld í glæsilegri útivistardeild þeirra í Glæsibæ fimmtudagskvöldið 2. október kl. 19.00.
Útivistardeildin er m.a.a troðfull af nýju vetrarlínunum frá The North Face og Cintamani.
Á kynningarkvöldin býður Útilíf 20% afslátt af öllum fjalla- og útivistarbúnaði s.s. hlífðarfatnaði, svefnpokum, tjöldum, bakpokum, gönguskóm og öðru sem til þarf.
Einnig verða sértilboð og verða þau sérmerkt, ekki er afsláttur af snjóflóðaýlum eða GPS tækjum.
Notið endilega tækifærið að versla á góðum afslætti fyri veturinn.
Opinn stjórnarfundur 29. september
Minnum á opinn stjórnarfund sem fram fer á mánudaginn 29. september kl. 20.00. Opnir stjórnarfundir munu verða haldnir síðasta mánudag í mánuði út veturinn. Dagskrá hvers fundar fer eftir hvað er að gerast á hverjum tíma og ef þið hafið einhver sérstök málefni sem þið viljið ræða þá endilega látið okkur vita með því að senda póst á [email protected].
Vonumst til að sjá sem flesta. Stjórnin.