Þann 1. nóvember verður haldið myndakvöld í húsnæði FBSR við Flugvallarveg. Fjöldanum öllum af myndum úr hinum ýmsu ferðum jafnt innan lands og utan verður varpað á vegg og reikna má með skemmtilegum sögum, hvort sem er sönnum eða ekki jafn sönnum, dæmi hver fyrir sig.
Greinasafn eftir: stjorn
Halli og Adela á Wildspetze
Við höldum áfram að segja frá félögum okkar á ferðum erlendis. Hallgrímur Kristinsson, fjallageit og eitt sinn varaformaður FBSR, fór ásamt eiginkonu sinni Adelu Halldórsdóttur og tveimur austurrískum ferðafélögum á Wildspetze, sem er næst hæsti tindur Austurríkis. Í leiðinni gengu þau á Wildes Mannle. Halli sendi okkur myndirnar sem hér fylgja.
Í lok september fór ég ásamt eiginkonunni og tveimur austurrískum ferðafélögum á næst hæsta tind Austurríkis, Wildspetze. Hann er 3770 metra hár, einungis 20 metrum lægri en hæsta fjall Austurríkis. Í leiðinni tókum við Wildes Mannle, 3000 metra tind í nágrenninu.
Í upphafi ferðar. Adela ásamt Austurrísku ferðafélögunum Andreas og Peter. Þessi skíðalyfta var tekin í 2000 metra hæð. Enginn var þó snjórinn.
Að njóta útsýnisins.
Veðrið lék við okkur og fjalladrottningin naut þess.
Hópurinn fikrar sig upp á Wildes Mannle (3020 metrar)
Síðustu metrarnir að toppi Wildes Mannle.
Toppnum náð. Útsýnið er fagurt.
Hjónakornin á toppi Wildes Mannle. Wildspitze (3770 m.), takmark morgundagsins og næst hæsta fjall Austurríkis í bakgrunni.
Eitt sinn var jökull þar sem þau standa. En svo kom „global warming“.
Komið að skálanum (2480 m.) þar sem gist var um nóttina..
Kvöldsólin er falleg í Austurrísku Ölpunum.
„Alpa start“. Klukkan er 6:30 og tími til að leggja af stað.
Komið í snjólínu
Eiginkonan fylgir með… og fögur er hlíðin.
Komin í 3500 metra og tími fyrir brodda, exi og línu. Hér ákvað eiginkonan að snúa við.
og þá byrjar bröltið.
Fyrsta spönnin að baki og við blasir fallegur jökullinn.
3650 metrar og stutt í toppinn.
Síðustu metrarnir á toppinn
Vestur hryggurinn, séður frá toppnum.
Á toppi Wildspetze, næst hæsta fjalls Austurríkis!
Á niðurleið…
… og á niðurleið
… og á niðurleið
Komið niður í skála og verðlaunin drukkin.
Myndir og texti Hallgrímur Kristinsson.
Dagskráin framundan
Á fimmtudag klukkan 20 verður haldinn auka-Aðalfundur FBSR í húsnæði sveitarinnar við Flugvallarveg. Allir félagar ættu að hafa fengið bréf þess efnis í síðustu viku en hafi það ekki borist þá vinsamlegast látið ritara vita.
Nú um helgina fer B1 í gönguferð á Reykjanesi á meðan B2 verður á námskeiði í Leitartækni uppi á Akranesi. Við hvetjum alla félaga til að mæta í annanhvorn dagskrárliðinn, það er alltaf gaman í ferðum með B1 og öll þurfum við að rifja upp leitartæknina reglulega.
Þá verður farið í haustferðina helgina 2.-4. nóvember og verður sú ferð algjört dúndur.
Minnum svo á að dagskránna má sjá hér á vefnum.
Hraðapróf
Minnum alla flubba á að mæta á Kópavogsvöllinn við hliðina á Sporthúsinu í hraðaprófið klukkan 18:15. 3000 metrar, 7 1/2 hringur á tíma segir helling um hvort formið er kúla eða eitthvað annað.
Landsæfing undir Eyjafjöllum
Á laugardag var haldin Landsæfing björgunarsveita. Að þessu sinni var hún haldin í nágrenni Skóga en svæðið er alveg stór skemmtilegt og býður uppá mikla fjölbreytni í verkefnum. 8 fjallabjörgunarmenn úr FBSR héldu á svæðið ásamt bílstjóra og sinntu þar krefjandi verkefnum sem undirbúin voru af félögum okkar úr björgunarsveitum á Suðurlandi.
Fyrsta hjálp á Laugarvatni okt 2007
Um helgina voru fréttamenn B1 með í för er hópur nýliða ásamt fleirum FBSR meðlimum fóru á Laugarvatn til að læra og sumir að rifja upp Fyrstu Hjálp“.
Um það bil 30 manns í B1 var komið fyrir á Menntaskólanum á Laugarvatni og völdu menn sér ýmist svefnpláss í kennslustofum eða öðrum vel völdum stöðum innan eða utan veggja skólans. Fyrirlestrar hófust strax hjá Sigurbirni Gíslasyni í Björgunarfélagi Akraness, en Sibbi eins og hann kýs að kalla sig er léttlyndur Skagastrákur sem býr að miklum slysasöguforða og oftar en ekki gat komið með first hand“ sögur tengdar efninu. Kennslu lauk uppúr 22 á föstudagskvöldið og hafði þá fólk lausan hala frammað háttatíma. Sumir fengu sér smá göngutúr meðan aðrir horfðu á videó eða enn aðrir fóru í göngutúr í hraðbankann sem endaði síðan á Lindinni á Laugarvatni.
Það sem lesendur þurfa að gera sér grein fyrir er hvernig er að sofa í skólastofu með hóp þar sem meðalaldur er 26 ára. Það er nefnilega ekkert öðruvísi en það var þegar maður var 10-12 ára 🙂
Eftir langt en gott galsabrandara-session náðu flestir að sofna og var síðan ræs kl. 08.30 á laugardeginum.
Til að gera langa sögu stutta þá voru fyrirlestrar fram á kvöld ásamt verklegri kennslu inn á milli. Þegar var komið á seinnihluta fyrirlestranna var komin smá vottur af galsa í menn og þá fóru fimmaurarnir að fljúga:
Sibbi: Þetta er semsagt SAM-spelka.
Sigurbjartur: Nennirðu að láta hana ganga?
Helgi: Hún getur ekkert gengið.
Sibbi: Hryggjasúlan er ekki bein.
Vimmi: Nú hvað er hún þá? Brjósk?
Sibbi: Hvar á að geyma tennur?
Doddi: Utanum hálsinn.
Sibbi: Hvernig hitum við alvarlega ofkældan sjúkling innanfrá?
Doddi: Setjum hann í örbylgjuofn.
Seinna um kveldið var síðan æfing úti sem tókst bærilega vel m.v. aldur og fyrri störf allra sem sátu námskeiðið. Eftir de-briefing á æfingunni hófst kvöldvakan sem haldin var í Stofu 204 sem var betur þekkt sem dönskustofan.
Fyrst var farið í Fram, Fram, Fylking og þannig hitað upp með mannskapnum sem endaði í reipitogi þar sem Jarðaberjaliðið sigraði eftir smá backup aðstoð að sögn vitna. Menn voru sko ekki á þeim skónnum að hætta því næst tók við Stólaleikur sem síðan endaði í „Mangó mangó“ leiknum, The Romantic version.
Ástarfleygið sjálft hafði komið með í för og laðaði Vimmi til sín góða gesti ofaní fleygið. Kvöldvökunni var síðan formlega slitið kl. 03.20 en þá voru lætin orðin of mikil fyrir þá sem hvíla vildu lúin bein.
Ræs var síðan aftur kl. 08.30, svipað kerfi og fyrri daginn, fyrirlestrar og eitthvað smá verklegt. En svo var komið að prófinu. Hópurinn fékk klukkutíma til að hita upp fyrir prófið sem hófst á slaginu 15:00. Eftir próf fóru þeir félagar Sibbi og Ási sveittir yfir prófin og afhentu síðan einkunnir. Ekki var gefin út meðaleinkunn en flestir náðu og var meiri að segja ein 10 gefin :D. Eftir tiltekt var síðan haldið heim á leið.
Kynningakvöld í Everest
Eftirfarandi barst frá Everest:
"Vildi bara láta ykkur vita að Fimmtudaginn 18 okt. og Mánudaginn 22 okt. verða björgunarsveitakvöld í versluninni Everest frá klukkan 18:00 bæði kvöldin. Þar verður góður afsláttur af öllum vörum og ýmsar vörur á sértilboðum þessi kvöld. "
Þá er löngu búið að senda nafnalista fyrir B1 og B2 í búðirnar þannig að þeir sem ekki eru með félagsskírteini þurfa ekkert að óttast.
Tetra-námskeið
Þriðjudaginn 16.okt, klukkan 18 í Skógarhlíð verður haldið Tetra námskeið. Þar ætlar Daníel að kenna okkur á talstöðvarnar okkar og verður með almennan fróðleik um Tetra kerfið. Skráning er á spjallinu eða með tölvupósti á ritari <hjá> fbsr.is.
Dagskrá kvöldsins
Skildu eftir svar
Í kvöld verður Einar Sveinbjörnsson með fyrirlestur um veðurfræði fyrir nýliða klukkan 20. En eins og flestir vita eru nýliðaveður oft æði frábrugðin þeim veðrum sem inngengnir hafa áhyggjur og áhuga á. Þá er óþarfi að minna á æfinguna sem byrjar 18:15 en þar hittast nýrri og eldri félagar og taka létt skokk og kannski Muller æfingar í Nauthólsvík.
Fyrirlesturinn verður haldinn niðrí húsi en á sama tíma er svokallað flubbakvöld þar sem inngengnir hittast og ræða heima og geima ásamt því að undirbúa sig fyrir Landsæfingu. Ef þú kærir þig ekki um að ræða um heima eða geima þá skaltu bara mæta til að hlusta á fyrirlesturinn. Nóg að gera í kvöld og fullt af fólki!
Kapphlaup í Kabúl
Marteinn Sigurðsson er einn þeirra fjölmörgu félaga FBSR sem hefur starfað á vegum NATO á Alþjóðaflugvellinum í Kabúl í Afghanistan. Hann sendi okkur frásögn og myndir úr DANCON March keppninni sem hann og fleiri fræknir flubbar tóku þátt í á dögunum.
Föstudaginn 5. október var haldin hérna á KAIA (Kabul International
Airport) hin goðsagnakennda DANCON March kepnni. Ganga þessi á rætur sínar að
rekja til Kýpur, nánar tiltekið í Throdos fjöllum, þar sem danskir byrjuðu á þessu
brölti. Síðan þá hefur það verið hefð að þjóðir sem eru úr NATO eða UN
sendisveitunum taka þátt með Dönunum til að styrkja
tengslin og hafa gaman.
Auðvitað sendu Íslendingar lið í keppnina, sex
manns og þar af voru þrír flubbar, ég, Snorri Hrafnkels og Óli Haukur.
Menn æfðu nú mismikið fyrir þetta og allavega einn ekkert neitt, en það var hann Gvendur. Höfum ekki fleiri orð um það.
Reglurnar
eru einfaldar. Menn skyldu vera í einkennisbúningi og þar af leiðandi viðeigandi klossum. Menn fengu svo að velja á milli þess að vera
með bakpoka og innihald samtals 10 kíló eða eða búnir skotheldu vesti, hjálmi og
riffli. Vegalengdin er 23 kílómetrar og fólk hefur 6 klukkutíma til að
klára en skipt er í þrjá flokka eftir því hversu lengi langan tíma menn ætla sér. "Elite" flokkurinn er þeir sem stefna á að ljúka hlaupinu undir 3
klst. og svo eru tveir aðrir flokkar.
Jæja það er ræst af stað klukkan 04:40 og það
er algjört myrkur þannig að maður skokkar þetta varlega. "Hringurinn"
sem er farinn er 11,5 kílómetrar og þegar maður var búinn með einn þá
var farið að birta.
Maður vissi í rauninni ekki hvað maður var að
fara út í en ég setti markið á að vera meðal 20 efstu. Það voru 217
keppendur og til að ná því markmiði taldi ég mig þurfa að skokka
alla leiðina.
Það tókst og ég endaði í fimmta sæti á tímanum
2 klst. 14,49 sek. Óli Haukur varð í áttunda sæti á innan við þremur klst. Eins og sjá
má á þessu þá eru flubbar engir eftirbátar þrautþjálfaðara sérsveitamanna en þeir voru nokkrir þarna inni á milli.
Kveðja frá Aghanistan,
Matti Skratti
Brífing áður en lagt er af stað
Majorinn Snorri grimmur á svip