Sérhæfðir leitarhópar björgunarsveita höfuðborgarsvæðisins voru kallaðir út um klukkan 21 að kvöldi miðvikudagsins 7. febrúar til leitar að konu sem hafði verið saknað frá því deginum áður en lögreglan hafði þá leitað hennar án árangurs. Leitarhópur FBSR fór á tveimur bílum til leitar en skömmu áður en leit hófst á vettvangi kom konan í leitirnar, blessunarlega heil á húfi. Meðfylgjandi mynd er af leitarhópi á æfingu.
Fullt nafn: Steinar Sigurðsson
Gælunafn: Stoney
Aldur: 21
Gekk inn í sveitina árið: 2005
Atvinna/nám: Viðskiptafræði í HÍ og vinn í útivistarbúðinni Everest af og til
Fjölskylduhagir: Á eina sæta kærustu
Gæludýr: Fífa Mjöll Öndvegisdóttir, lítil tík með mikla sál.
Hópastarf og annað starf innan sveitarinnar: Hópstjóri snjóbílahóps, bílstjóri í bílahóp og undanrenna í fjallahóp.
Áhugamál: Að komast upp og niður fjöll, klifrandi, gangandi, skíðandi, keyrandi eða á snjóbíl.
Uppáhalds staður á landinu: Rúmið heima eftir langa og góða vosbúðarfjallaferð með engum svefni.
Uppáhalds matur: Fjallalamb í holu með góðu útsýni.
Mesti viðbjóður sem þú hefur smakkað: Dísill eða bensín? Dísillinn situr eftir í kjaftinum, en bensínið er verra á bragðið.
Ef þú ættir eina ósk, hver yrði hún (bannað að óska sér fleiri óska)? Ég vildi óska þess að ég kæmist á íslensk fjöll allar helgar og gæti ferðast um heiminn á virkum dögum.
Æðsta markmið:Halda heilsu og vera í góðu formi, langt fram eftir ævi.
Eftirminnilegasta augnablikið úr starfinu: Það er nú svo ansi margt eftirminnilegt. Í lok hverrar ferðar eru oftast allir sammála um að þetta hafi verið besta ferð allra tíma… Það eru þó flestir í mínum nýliðahóp sammála um að skemmtilegasta ferðin okkar hafi verið úr Áfangagili inn í Landmannalaugar, vorið áður en við gengum inn. Það var svo mikil orka í okkur að við hlupum upp alla hóla á leiðinni til þess að ná smá rennsli. Svo æfðum við smá skíðastökk og vorum í eltingaleikjum þess á milli. Ekki skemmdi heldur að verða annar í 100 metra sprettlellahlaupinu um kvöldið.
Doddi og ég á toppnum á Hraundranga
Góður dagur í Múlafjalli
Hildur og ég á ferð um Þýskaland
Notalegar tjaldbúðir í Skarðsheiðinni
Skemmtilegt príl á Hnappavöllum
Helgina 19. til 21. janúar fór jeppahópur ásamt félögum úr 4×4 í
jeppaferð inn að útreiknaðri miðju Íslands þar sem lagður var
hornsteinn að miðju landsins. Á hornsteininum er skjöldur sem á er
ritað að þarna sé miðja Íslands og nöfn Ferðaklúbbsins 4×4 og
Landmælinga Íslands.
Slæm færð gerði ferðina erfiða með tilheyrandi smá tjóni á nokkrum
jeppum en markmið ferðarinnar náðist. Hægt er að sjá myndir úr ferðinni
inni á ferðasögusvæðinu eða með því að smella hér.
Það voru Maggi, Óli, Guðgeir og Símon á FBSR4 og FBSR5 sem fóru í jeppaferð 4×4 inn að miðju Íslands. 19 til 21 janúar 2007.
Helgin var í stuttum máli
Lagt af stað á föstudagskveldi inn í skálann Áfanga við kjalveg.
Það voru um 15 jeppar sem lögðu af stað á laugardeginum. Það var
fyrst ekið að Ingólfsskála fyrir norðan Hofsjökul svo áleiðis inn
að miðju Íslands. Settur var risastór steinn við miðju Íslands.
Eftir það var stefnan sett inn á Sprengisand, þar sem færið fór
að verða örlítið erfitt þá sérstaklega fyrir 38" bílana. Svo bætti
aðeins í veðrið og aðstæður fóru að verða aðeins hressari. Sóttist
ferðin því hægt inn að Sóleyjarhöfðavaði. Menn voru að rífa dekk,
skilja ford eftir og rífa fleirri dekk, beygla stýristangir og fleirra.
Komið var inn að vaði um miðnætti. Fóru þá flubbabíllar í bæinn og
voru komnir þangað um kl 06:00 eftir að hafa fengið sér pylsur að eta á
Selfossi.
Hérna eru svo myndirnar.
Myndir og texti: Magnús Andrésson
Við miðju Íslands
Á leið inn á Sprengisand
Spottaleikfimi
FBSR 5
Myndir; Magnús Andrésson
Stjórn FBSR hefur tekið upp á þeirri nýbreytni að hafa opinn
stjórnarfund reglulega fyrsta mánudag hvers mánuðar. Munu þessir fundir
koma í stað haust- og miðsvetrarfundanna. Með þessu vill stjórnin
fjölga þeim fundum þar sem hún kynnir sín málefni og gefa félagsmönnum
betur færi á að fylgjast með og segja sína skoðun á starfi
stjórnarinnar. Fyrsti opni stjórnarfundurinn verður haldinn mánudaginn 5. febrúar kl. 20.
Dagskrá fundarins verður sem hér segir:
Húsnæði
Dagskrá
Bílamál
Búnaður
Önnur mál
Kaffi í boði stjórnar úr nýju kaffivélinni.
Á laugardaginn næstkomandi munum við taka niður það síðasta sem
eftir á að ganga frá eftir flugeldasöluna og gera húsið aftur í stand
þannig að koma megi bílunum inn. Mæting kl 10. Jafnframt munum við vinna áfram í nýju
aðstöðunni og gera hana fína, því til stendur að leigja gamla hlutann
út fljótlega. Að þessu loknu verður haldið í sal Félags eldri borgara þar sem töðugjöldin
hefjast og verða vonandi fram eftir nóttu. Veitingar í boði
sveitarinnar. Hrefna mætir kannski.
Um klukkan hálf átta að morgni 4. janúar kom fyrsta útkall
ársins. Beðið var um aðstoð við leit að manni um fertugt sem hafði
farið akandi frá heimili sínu í Hafnarfirði kvöldið áður til að viðra
hunda við Hvaleyrarvatn. Þá hafði hann hringt og sagst vera á heimleið
en hafði ekki skilað sér.
Björgunarsveitir á höfuðborgarsvæðinu voru kallaðar út, ásamt þyrlu LHG
og var í fyrstu megin áhersla lögð á að leita í Hafnarfirði og
nágrenni. Eftir tiltölulega stutta leit fannst bíll mannsins við
íbúðarhús í Hafnarfirði og fannst hann þar inni heill á húfi.
Nú er síðasta tækifærið til að njóta litadýrðar og hávaða frá flugeldum. Við verðum með flugeldasölu á þrettándanum frá klukkan 10-18 í húsi okkar við Flugvallarveg (sjá kort).
Fullt nafn: Hilmar Ingimundarson
Gælunafn: Himmi, og svo fjöldinn allur af öðrum gælunöfnum sem hafa loðað við mann misvel og lengi
Aldur: 28 ára þegar þetta er ritað
Gekk inn í sveitina árið: ´96
Atvinna/nám: Sales Manager, Nikita
Fjölskylduhagir: Maki er Elísabet Birgisdóttir til fjölda ára og eigum við einn snilling, hann Tómas Hilmarsson eins og hálfs árs
Gæludýr: Engin
Hópastarf og annað starf innan sveitarinnar: Ég hef lengstum
og nær eingöngu starfað með fjallahóp og undanförum og hef haldið utan
um þann hóp undanfarin ár til mikillar ánægju. Náði að stimpla mig inn
í fallhlífahóp og hef einhver stökk að baki. Eitthvað hefur farið minna
fyrir því undanfarin ár þó ég hafi mætt og farið í eina alvöru útkall
þess hóps nú í sumar. Undanfarin þrjú ár hef ég svo verið í stjórn og
nú síðastliðið ár lét ég plata mig í stöðu gjaldkera sem hefur reynst
bæði skemmtilegt og krefjandi.
Áhugamál: Fjallamennska, af hvaða tagi sem er, hvort heldur
sem er að klípa í kletta eða mölva ís, labba yfir hjarn og ísbreiður á
skíðum, renna mér niður snæviþaktar hlíðar á snjóbretti eða skíðum,
erfiða upp brekku á skinnhúðuðum plönkum bara til þess eins að renna
sér niður aftur, ganga á fjallstind eða klífa hann. Fjallahjólreiðar
þegar færi gefst og svo var Whitewater Kayak var mér hugleikinn til
nokkurra ára en hef nánast gefið það uppá bátinn. Einnig hef ég mikið
yndi af einkasyninum og að leika við hann, ferðast með fjölskyldunni og
og og
..
Uppáhalds staður á landinu: Skaftafell þegar hugað er að klifri,
enda er mekka sportklifurs á Íslandi þar og í nánd eru Íslensku
alparnir. Svo er alltaf gaman að koma á Arnarstapa á Snæfellsnesi
þegar vorið kemur. Kíkja norður á Akureyri þegar huga á að rennsli en
annars skiptir staðurinn ekki öllu heldur hvað þú ert að gera, hvernig
viðrar og hver félagskapurinn er.
Uppáhalds matur: Úff erfið spurning. Ekkert eitt svar í
þessu frekar en spurningunni hér að ofan
..ætli það væri ekki
nautalundir með ostasósu að hætti mömmu. Það nýjasta hjá mér í ferðum
er að græja Carbonara sem fer ofarlega á listann með hinum margfræga
karmellubúðing í eftirrétt, fátt sem toppar það á fjöllum.
Mesti viðbjóður sem þú hefur smakkað: Borða ekki viðbjóð þannig
að ég reyni að forðast það sem heitan eldinn að koma svoleiðis inn
fyrir mínar varir t.d. einsog Weisswurst (hvítpylsa) en það sem slapp
inn fyrir mínar varir og hlýtur þann vafasama titil . Einhver mesti
viðbjóður er smokkfiskur (Calamari).
Ef þú ættir eina ósk, hver yrði hún (bannað að óska sér fleiri óska)?
Miðað við stöðuna hjá mér í dag þá vantar mig bara meiri pening til að
geta ferðast og leikið mér en það myndi nú duga skammt ef maður væri
ekki heilbrigður og því óska ég mér heilsu svo lengi sem ég lifi
Æðsta markmið: Er að skilja við þennan heim sáttur við mitt,
vitandi það að ég gerði allt sem í mínu valdi stóð til að gera það sem
af mér er ætlast í þessu lífi.
Í nótt klukkan 1:20 voru björgunarsveitir á Höfuðborgarsvæðinu kallaðar út til leitar innanbæjar að eldri manni með Alzheimer sem hafði horfið af dvalarheimili í borginni. Fimm sérhæfðir leitarmenn, þrír björgunarmenn ásamt bílstjórum á tveimur bílum fóru frá okkur til leitar. Aðeins um hálftíma eftir að leit var hafin fannst maðurinn. Hann var þá á gangi í borginni og amaði ekkert að honum.