Hjálparsveitin Dalbjörg skipuleggur tækjamót í Nýjadal helgina 25. til 27. apríl næstkomandi og munu í það minnsta tveir jeppar fara frá FBSR.
Góður rómur hefur farið af tækjamótunum undanfarin ár en megin markmið þeirra er að hrista saman tækjamenn af öllum svæðum.
Greinasafn eftir: stjorn
Banff kvikmyndahátíð Ísalp
Árleg Banff fjallakvikmyndahátíð Íslenska Alpaklúbbsins er haldin í Háskólabíói þriðjudaginn 15. apríl og miðvikudaginn 16. apríl.
Sýningar hefjast kl. 20 og er miðaverð 1000kr. fyrir Ísalpara og 1200kr. fyrir aðra.
Nánari upplýsingar á heimasíðu Ísalp , brot af sýningunni má sjá hér.
Mælum með þessu fyrir alla sem hafa gaman að því að leika sér undir berum himni.
Mánudagurinn 14.apríl
Mánudaginn 14. apríl verður samæfing Leitartæknihópa á höfuðborgarsvæðinu. Æfingin hefst klukkan 19 og mikilvægt að fólk sé þá klárt í húsi.
Gott væri ef fólk tilkynnti þátttöku tímanlega til Stefáns.
Dagskrá vikunnar 7-13.apríl
Dagskrá vikunnar er á þessa leið:
Mánudagur kl 20. Opinn stjórnarfundur þar sem félagar geta gægst inní störf stjórnar.
Þriðjudagur kl 18:15 Útihlaup
20:00 Ýmis verkefni f. inngengna
Helgin. Ferð fyrir B1 og B2.
Útkall í Múlafjall.
Laugardaginn 29. maí var fjallhópur FBSR kallaður út vegna ísklifrara sem dottið hafði í Múlafjalli. Félagi mannsins kom honum niður úr klifurleiðinni en á svipuðum tíma voru björgunarmenn komnir að og komu þeir sjúklingnum niður hlíðina og á sjúkrahús.
Útkall í Esjuna
Skömmu fyrir klukkan 14 var fjallahópur sveitiarinnar kallaður út vegna erlendra ferðamanna sem voru í sjálfheldu í Esjunni. Björgunarsveitum gekk greiðlega að nálgast fólkið og koma þeim niður en kalt var í fjallinu og dágóður vindur.
Aðalfundur og lagabreytingar
Næsti aðalfundur FBSR verður haldinn um miðjan maí en eins og lög gera ráð fyrir má þar koma með tillögur að lagabreytingum. Hvetur stjórnin félaga til að kynna sér lög sveitarinnar en þau má nálgast hér.
Tillögum að lagabreytingum þarf að skila skriflega til stjórnar með 30 daga fyrirvara.
WFR á Gufuskálum
Þann 12. apríl hefst WFR á Gufuskálum og verður kennt í einum rykk til 19. apríl. Áhugasömum er bent á að skrá sig á skoli.landsbjorg.is .
Fjögurra helga námskeiðið sem stóð til að halda fellur niður.
Ragnhildur Magnúsdóttir
Fullt nafn: Ragnhildur Þ. Magnúsdóttir.
Gælunafn: Ragna.
Aldur: 38.
Gekk inn í sveitina árið: 2006.
Atvinna/nám: Líffræðingur
Fjölskylduhagir: Í sambúð og á eitt barn.
Hópastarf og annað starf innan sveitarinnar: Hef mest verið með leitarhópi.
Áhugamál: Allt milli himins og jarðar eins og t.d. fjallamennska og alls kyns útivist, skíði, skautar, hjólreiðar, veiði, ferðalög, sveitin, ljósmyndun…o.fl. Hef sérstakan áhuga líka á fiskum, mýflugulirfum og vatnaflóm.
Uppáhalds staður á landinu: Fjallabak og Skagaheiði. Annars er allsstaðar gott að vera í góðu veðri.
Uppáhalds matur: Á engan uppáhaldsmat. Borða allt þ.m.t. hákarl og skötu.
Mesti viðbjóður sem þú hefur smakkað:Durian. Ávöxtur sem ég smakkaði í Malasíu. Ætla ekki að lýsa því hvað hann var vondur. Finnst mysingur og mysuostur ekki góður heldur.
Ef þú ættir eina ósk, hver yrði hún (bannað að óska sér fleiri óska)? Ást, hamingja og góð heilsa er það sem ég myndi óska mér og öðrum…..og svo auðvitað frið á jörð.
Æðsta markmið: Mig langar mjög mikið að komast upp á topp Everests og til tunglsins. Annars vona ég að ég geti sagt áður en ég dey gömul og grá: Live well spent.
Eftirminnilegasta augnablikið úr starfinu: Það er ýmislegt eftirminnilegt bæði gott og slæmt en engin svona atvik þar sem ég hef séð ævina renna fram hjá mér í einu vetfangi. Eftirminnilegastar finnast mér skemmtilegar ferðir í nýliðunum.
Þetta er ég, saklaus sveitastelpa úr V-Skaftafellssýslu.
En ég á mér líka dekkri og skuggalegri hliðar. Er t.d. alveg hrikaleg prímadonna inn við beinið.
Þetta er hluti af nýliðahópnum mínum á Mýrdalsjökli í páskaferðinni 2006. Fórum á gönguskíðum yfir Mýrdalsjökul inn í Strútslaug og þaðan yfir í Landmannalaugar. Alveg hreint frábær ferð. Hef aldrei fengið annað eins sólgleraugnafar í andlitið, hvorki fyrr né síðar. Var með þvottabjarnarfés í marga daga á eftir. Á myndinni eru Viddi, Evvi, Ólöf og höfðinginn hann Matti Skratti. Vantar okkur Sóley á myndina. Leitaði mikið en fann enga mynd af öllum hópnum saman.
…og hér erum við Sóley í Tindfjöllum.
Þetta stákurinn minn hann Hákon norður á Skaga en hann er 9 ára gamall.
…og þetta er Árni maðurinn minn að borða harðfisk við Arnarfellskvísl í Þjórsárverum.
Árni, ég, Ólöf systir, Maggi og Ella systir. Þarna erum við að koma úr Þjórsárverum, Blautakvísl (sem er mjög blaut) fyrir aftan okkur. Gaman að fara um Þjórsárver, mikið af jökulám og því betra að hafa með sér góða vaðskó.
Á Smjörhnúki í haustferð FBSR 2006.
Á leiðinni upp á Hvannadalshnúk 2007.
Á toppi Ýmis.
Að klifra í Valshamri.
Í hellinun Ufsa í Eldhrauninu.
Ferðir helgarinnar
Um helgina verða tvær ferðir, B1 fer í gönguskíðaferð inn að Hlöðufelli frá Laugarvatni. Brottför kl. 08.00 á laugardagsmorgni og frekari upplýsingar á spjallinu. B2 fer í ísklifur á sunnuda kl. 9, sennilega Múlann.
Ef þú vilt með þá láttu Steinar eða Stefán vita, símanúmer undir "Hafðu Samband".