Laugardaginn 27.desember ætlum við að vera með sölunámskeið fyrir alla sem koma að flugeldasölunni í ár. Byrjar það klukkan 10 og verður boðið uppá léttan morgunverð að hætti hússins.
Greinasafn fyrir flokkinn: Uncategorized
Óveður á svæði 1
Að kvöldi 11.desember var sveitin kölluð út vegna óveðurs á svæði 1. 14 félagar mættu til leiks og stóðu vaktina til að ganga eitt í nótt.
Nokkur erill var í aðgerðum og mörgum hefðbundnum verkefnum sinnt á borð við lausar þakplötur og fjúkandi girðingar en einnig verkefni sem ekki eru jafn algeng eins og brotnir ljósastaurar og að huga að landfestum skipa en sjótengd verkefni hafa löngum fallið öðrum sveitum í skaut.
Útkall á Fimmvörðuháls
Um klukkan hálf eitt aðfaranótt fimmtudagsins 11.desember var sveitin kölluð út vegna göngumanna er saknað var á Fimmvörðuhálsi. Tæpum tíu mínutum síðar voru boðin afturkölluð en þá höfðu mennirnir komið fram í Básum heilir á höldnu. Boðunin gekk vel og var ekki langt í að fyrsti bíll legði af stað.
Gönguskíði í janúar
Í byrjun janúar verður farið í 5 daga gönguskíðaferð á hálendinu. Þrjár leiðir eru í sigtinu en ein valin þegar nær dregur og veður og færi liggja ljósar fyrir. Frekari upplýsingar eru á innranetinu.
Leit að alsheimersjúkling
Laugardaginn 6. desember var boðað til leitar að alsheimersjúklingi í Reykjavík. Var hópur á vegum sveitarinnar mættur í hús þegar maðurinn fannst og útkallið afturkallað.
Leit að rjúpnaskyttu
Þann 29. nóvember hófst leit að rjúpnaskyttu við Skáldabúðaheiði. Leitin stóð í tæpa viku áður en henni var frestað um óákveðin tíma. FBSR var með menn á svæðinu alla dagana utan miðvikudags og fimmtudags en þá fór endurskipulagning leitar fram.
Þriðjudagsatburður – Óveðursútköll
Í kvöld – þriðjudaginn 2.desember – klukkan 20:00 ætla Bubbi & Óli að ræða um óveðursútköll. Titill umræðunnar er "Fyrir hverja? Hvað er gert? Hvar er dótið geymt?" og verður farið yfir helstu atriði sem við þurfum að standa klár á í óveðursútköllum. Hvetjum alla til að mæta!
Eftir áramót verða þriðjudagarnir efldir á ný en til stendur að vera með fyrirlestra, ferðir og ýmislegt sniðugt fyrir inngengna á þriðjudögum til móts við nýliðana.
Eftir áramót verða þriðjudagarnir efldir á ný en til stendur að vera með fyrirlestra, ferðir og ýmislegt sniðugt fyrir inngengna á þriðjudögum til móts við nýliðana.
Útkall gulur – Leit að rjúpnaskyttu
Leit stendur yfir að rjúpnaskyttu sem saknað hefur verið í uppsveitum Árnsessýslu síðan á laugardag.
Á sunnudag tóku 15 manns frá FBSR þátt í leitinni en um 150 björgunarsveitarmenn úr 30 björgunarsveitum af öllu Suðvesturlandinu hafa komið að leitinni. Í morgun hélt 13 manna hópur austur á 3 bílum frá sveitinni en leit átti að hefjast að nýju við birtingu.
Leitarsvæðið er stórt og erfitt yfirferðar. Þó hefur tekist að fara nokkuð vel yfir það. Engar vísbendingar hafa enn fundist um ferðir mannsins. Búið er að vera ágætis veður en kalt á fjöllum. Í nótt snjóaði á svæðinu.
Ferð helgarinnar
Næstu helgi er á dagskrá jeppaferð en farið verður í Nýjadal og Laugafell.
3 laus sæti eru í fbsr 4 & 5 en allir jeppar á 38" og stærri eru velkomnir með.
Nánari upplýsingar gefa.
Óli Magg 6958590
Maggi 6699351
Halldór 6954998
Opinn stjórnarfundur 24.nóvember
Minnum á opinn stjórnarfund sem fram fer á mánudaginn 24. nóvember kl. 20.00. Opnir stjórnarfundir eru haldnir síðasta mánudag í mánuði. Dagskrá hvers fundar fer eftir hvað er að gerast á hverjum tíma og ef þið hafið einhver sérstök málefni sem þið viljið ræða þá endilega látið okkur vita með því að senda póst á [email protected].
Vonumst til að sjá sem flesta.
Stjórnin.