Á laugardaginn voru undanfarar settir í viðbraðgsstöðu vegna tveggja ísklifrara í Suðursveit. Reyndist óþarft að senda þá af stað þar sem að skömmu síðar kom afturköllun en þá höfðu klifrararnir skilað sér niður óstuddir og í góðu lagi.
Útilíf mun í maí bjóða þeim sem eiga Ortovox snjóflóðaýla, F1 focus og X og M línuna, að koma með þá í Útilíf Glæsibæ þaðan sem þeir verða sendir út í tékk.
Allir björgunarsveitarmenn sem eiga snjóflóðaýla (Barryvox, Ortovox og Pieps), sem eru eldri en þriggja ára, eru hvattir til þess að láta yfirfara þá þannig að þeir verði örugglega í lagi þegar næst þarf að nota þá. Einnig er rétt að láta yfirfara þá ef vafi er á því að þeir séu í lagi t.d. ef þeir hafa dottið á gólfið eða þeir orðið fyrir verulegu hnjaski.
Kostnaður við yfirferð á hverju ýli er um 1500 -2000 kr og reiknað er með því að þeir verði komnir til baka í september. Í verðinu er innifalin yfirferð sem og sendingarkostnaður en þurfi að gera við tækið greiðir eigandi aukalega fyrir viðgerðina.
Ýlarnir þurfa að vera komnir til Útilífs í Glæsibæ fyrir 7. júní nk.
Nánari upplýsingar er að finna á www.snjoflod.is
Tekið úr fréttabréfi Slysavarnarfélagsins Landsbjargar 31. maí 2007.
Miðvikudaginn 23. maí var haldinn aðalfundur FBSR og mættu 48 kjörbærir félagar. Ný stjórn var kosin auk annarra hefðbundinna aðalfundarstarfa. Skýrslu stjórnar flutti Atli Þór Þorgeirsson formaður og Hilmar Ingimundarson gjaldkeri lagði fram ársreikning félagsins.
Áður en kom að kaffihléi var innganga nýrra félaga og voru það 9 manns að þessu sinni sem hlutu þann heiður.
Eins og á undanförnum áratugum sáu kvennadeildarkonur fundarmönnum
fyrir hressingu í hléi og var þeim vel tekið, enda miklar kræsingar í
boði.
Eftir hlé tóku við kosningar og er ný stjórn eftirfarandi:
Atli Þór Þorgeirsson, Formaður
Hilmar Ingimundarson, Gjaldkeri
Stefán Þór Þórsson, Aðalstjórnarmaður
Guðmundur Guðjónsson, Aðalstjórnarmaður
Elsa Gunnarsdóttir, Aðalstjórnarmaður
Sigurður Sigurðsson, Varastjórnarmaður
Þórður Bergsson, Varastjórnarmaður
Fráfarandi stjórnarmönnum voru þökkuð góð störf með dynjandi lófaklappi.
Nokkir félagar úr bílahóp kíktu í krapa sullferð inn í Nýjadal helgina 14. til 15. april 2007.
Lagt var af stað á skyggalegum tíma frá borg óttans. Okkur til vonbrigða var ekki búið að opna KFC og framvegis verður því lagt af stað á föstudagskvöldum.
Sparkað í dekkin áður en lagt er af stað.
Vegurinn örlítð blautur.
Þetta blasti við þegar vegurinn endaði… krapsull allstaðar.
Það tók samt ekki nema rúmmlega 2 tíma að koma sér í Nýjadal.
Drekkutími.
Reyndum að fara yfir Nýjadalstöðuvatnið (Jökuldalsá / Nýjadalsá)
Aftur í Nýjadal.
Meira af krapa
Smá uppstillingar í góða veðrinu.
Rómantík um kvöldið.
Slydda um nóttina
Það snjóðaði skemmtilega yfir krapann.
… og svo rofaði til.
Loft sett í dekkin… og brunað til foreldra Óla í vöfflur og rjóma.
Takk fyrir okkur.
Myndir og texti Magnús Andrésson
Óskað er eftir fólki til að starfa í stjórn næsta kjörtímabil.
Það vantar fólk í aðalstjórn kosið til 2 ára og varamenn sem kosnir eru til 1 árs.
Þetta eru skemmtileg störf og þú færð gott tækifæri til að setja þitt mark á rekstur sveitarinnar og hvert hún stefnir. Fólk er hvatt til að hafa samband við Atla Formann (821 8840), Frímann (897 2468) eða Magnús (862 1622).
Hér með er boðað til aðalfundar Flugbjörgunarsveitarinnar í Reykjavík miðvikudaginn 23. mai n.k. kl 20:00 stundvíslega í húsi sveitarinnar við Flugvallarveg.
Dagskráin er:
1. Setning fundar
2. Skýrsla stjórnar
3. Reikningar
4. Inntaka nýrra félaga
Fundarhlé Kaffi og kökur frá kvennadeild FBSR
5. Kosningar
Formanns
Aðalstjórn
Varamanna
Endurskoðenda
6. Önnur mál
Stjórn FBSR
Fullt nafn: Marteinn Sigurðsson
Gælunafn: Matti, Matti Zig, Diablo, Lúsifer og það nýjasta Matti Skratti.
Aldur: 41 vetra
Gekk inn í sveitina árið: 1997 eða 1998 er hreinlega ekki viss(þetta er starf fyrir spjaldskrárritarann)
Atvinna/nám: Síðastliðin 20 líkskurðartæknir en undanfarna mánuði friðagæsluliði í sólskins landinu Afghanistan
Fjölskylduhagir: Giftur henni Þórunni og á með henni 2 grislinga, Skottu og Óla sundnörd.
Gæludýr: Þau eru nú nokkur í gegnum tíðina: froskar, skjaldbökur, fiskar, kettir, páfagaukar og svo átti ég einu sinni rollu.
Hópastarf og annað starf innan sveitarinnar: Er í fallhlífahóp og svo hefur maður sópað gólfið í bílageymslunni ásamt því að vera með nokkra hópa af nýliðum.
Áhugamál: Síðustu 9 eða 10 ár hefur það verð sveitin og inn á milli fjölskyldan. Svo er ég forfallinn fótboltafíkill ásamt því að elska að keyra snjósleða og gera við bíla, eða þannig sko. Nei í alvöru þetta kemur í bylgjum og eins og er þá er það bara að reyna á sig og finna mörkin sama í hverju það er.
Uppáhalds staður á landinu: Einu sinni var það sófinn minn góði en mér hefur verið legið það á hálsi að vilja fara oft í Skaftafell (Andrea) og eigum við ekki að láta það duga.
Uppáhalds matur: Soðin ýsa stendur alltaf fyrir sínu ásamt þrumara með vænni smérklípu, ójá. Svo má ekki gleyma MRE.
Mesti viðbjóður sem þú hefur smakkað: Norskur fiskur í hermanna útgáfunni, það er viðbjóður númer eitt að ég held, svo mann ég eftir sjávarrétta pizzu sem ég henti, óétinni.
Ef þú ættir eina ósk, hver yrði hún (bannað að óska sér fleiri óska)? Að eiga anda í flösku.
Æðsta markmið: Að gera mér til hæfis, hahahahahaha og að sjálfsögðu öllum öðrum líka.
Eftirminnilegasta augnablikið úr starfinu:
Þegar hann Doddi tví borðaði kvöldmatinn sínn í Landmannalaugum hérna um árið. Við komum seint í Laugarnar og mannskapurinn frekar lúinn. Doddi hitaði kvöldmatinn sinn en átti í erfiðleikum með að halda honum niðri vegna þreytu og kúgaðist og ældi síðan. En þar sem hann var ekki með neinn annan mat til að hita þá sópaði hann ælunni saman og át hana. Jebb það var sko eftirminnilegt.
Á Grænlandi, Thule
Kvendin í síðasta nilla flokk sem ég var með, vantar Ólöfu. Jú og svo eru líka Vidddi og Evvi
Óli sundnörd og ég að keppa í þríþraut
Doddi er ógleymanlegur og alltaf hress
Píla og ég. Hún er sko killer hundur (tík) dauðans
Dóttir mín hún Skotta að baka fyrir mig köku
Síðasti dagurinn minn sem líkskurðartæknir í Kjötsmiðjunni
Garún litla frænka mín og ég á dönskum dögum í Stykkishólmi
Geirharður er alltaf til í að píska nokkra nilla á Hellweekend
Einhver loðinn gaur
Þetta er einhver árátta í mér að fara úr þegar á toppinn er komið
Hahahaha varð á láta þessa fljóta með. Hér er verið að gera að nautgrip í sláturhúsi
Þórunn og ég í einu bakpokaferðinni sem mér hefur tekist að draga hana í hingað til
Klakinn, Lúsifer og Major Bulh í Californíu
Þröng á þingi í Djúphelli, sprækir nillar og einn flubbi, hún Heiða hressa
Helgina 30-1. apríl skellti snjóbílahópur sér í Bláfjöll með tryllitækið sitt. Mikil vinna hafði verið lögð í bílinn síðustu vikur, aukatankar höfðu verið festir á og fleira. Það var því spennandi að sjá hvernig breytingarnar reyndust.
Á laugardag skutlaði Magnús Þór bílnum upp eftir og Steinar og Gulli B1 rúntuðu um fram yfir hádegi þegar Einar Hjörleifs tók við af Gulla. Skyggni var ekkert eins og sést á myndum, þannig að við fórum ekki mjög langt þann daginn. Á sunnudaginn var öllu skaplegra veður, sól og bjartviðri. Því treystum við, Steinar, Einar og Halldór, okkur lengra inn í fjalllendið og náðum nokkrum góðum skíðaferðum. Ekki slæmt það.
Halli kom seinnipartinn, þegar Einar og Halldór fóru heim og tók í bílinn. Þá fór reyndar allt aðeins að klikka, bíllinn ofhitnaði aðeins og glussaslanga gaf sig. Við fórum því stystu leið niður á sjöu. Það varð reyndar stuttur bíltúr, því við vorum rétt lagðir af stað í bæinn þegar við rákumst augun í vélsleða úti í miðju krapalóni. Að sjálfsögðu stóðum við ekki hjá, heldur tókum aftur af og sóttum bílinn. Það kostaði okkur reyndar all nokkuð krapasull og vesen, en gekk allt giftusamlega að lokum.
Núna um páskana verður farið í Skaftafell þar sem menn og konur geta leikið lausum hala. Eins og menn vita þá er í Skaftafelli ógrynni af tindum og miserfiðum leiðum. Veðurspáin er þannig að næturnar eru blautar og laugardagurinn allur rennandi en aðra daga má búast við smávægilegum skúrum, sem tekur varla að tala um.
Einhverjir hafa nú þegar ákveðið að fara á Hnappavelli og er það vel. Ekki verða ákveðnir brottfaratímar heldur treyst á að þeir sem hafi áhuga á að fara tali sig saman og komi sér á staðinn. Ef menn þurfa að nota bíla sveitarinnar þá þarf að sjálfsögðu að tala við Símon um það.
Fullt nafn: Andrea Maja Burgherr
Gælunafn: Búgi
Aldur: 40 ára
Gekk inn í sveitina árið: Ég held að það hafi verið 1999
Atvinna/nám: Er smíðakennari og leiðsögumaður að mennt en vinn hjá ferðaskrifstofunni hjá Íslenskum Fjallaleiðsögumönnum.
Fjölskylduhagir: Er í sambúð með Andra Sigurjónssyni og og var að eignastlítinn strák, Thomas, þann 28.2.07. Hann dafnar vel 🙂
Gæludýr: köttur sem heitir Emil
Hópastarf og annað starf innan sveitarinnar: Búin að vera frekur óvirk undanfarið vegna hnéaðgerðar og óléttu. En er annars í leitarhópnum og bílahóp.
Áhugamál: ferðast náttúrulega innanlands sem og í útlöndum gangandi eða á skíðum. Blak, komst næstum því í landslið ;-), spila á gítar, hitta góða vini
Uppáhalds staður á landinu: Það eru allt of margir staðir en kannski helst Grænalón við Vatnajökul.
Uppáhalds matur: Mér finnst skemmtilegast að smakka sem fjölbreyttastan mat frá mismunandi löndum með framandi kryddum.
Mesti viðbjóður sem þú hefur smakkað: Kalt pasta við Fimmvörðuháls þar sem prímus virkaði ekki nógu vel og það var bara pastamauk með ostasósu, oj bjakk!
Ef þú ættir eina ósk, hver yrði hún (bannað að óska sér fleiri óska)? Gera góða heimsreisu með fjölskyldunni.
Æðsta markmið: „To live a fulfilling life“
Eftirminnilegasta augnablikið úr starfinu: Þau eru mörg, en yfirleitt eru það ferðir sem voru farnar þar sem veðrið eða aðstæður voru erfiðar og maður kom endurnærður í huganum í bæinn, en líkamlega frekar á þrotum…..
Frakkland, Via ferrata með slökkviliði frá Annecy, 2001
Sviss, Diavolezza: Piz Bernina í bakgrunni, september 2006
Ólétt í desember 2006, komin 8 mánuði á leið
Og hér er sá sem þandi út mallann á mömmu, Thomas, orðin 1 mánaða gamall
Grænland 2003, á sólarströnd
Á Snæfellsjökli með Bryndísi Guðnadóttur
Hvannadalshnjúkur 2006 með Andra